Ukioqatigiit pingasuugaangata ataatsimit amerlanerusut efterskolerlutik aallartittarput

Ataani takuneqarsinnaapput ukioqatigiit 1994-init 1998-inut agguaqatigiissinneri, ukiut atuarfiusut 2009/10 aammalu 2015/16 akornanni efterskolini ingerlatsinerit aallartinneqartut aammalu unitsinneqartut tulleriaarneri. Ukioqatigiinni ataasiakkaani inuit amerlassusaat ukiup 14-inik ukioqalerfiup naanerani toqqarneqarpoq, efterskolini atuartut ukiup efterskolernermik aallartitsinerup naanerani 14-it aammalu 21-t akornanni ukioqartarmata.

 

Titartagaq 5. Aallartitsinerit aammalu naammassinninnerit agguaqatigiissinneri, ukioqatigiit malillugit

Nalunaarut: Kisitsisit Kisitsisaataasivimmi ersinngillat. Ukioqatigiit akornanni katillugit aallartitsinerit 41-t aammalu naammassinninnerit 34-t ilaatinneqanngillat, ukiup 14-inik ukioqalerfiup naanerani innuttaasuni allaqqanngimmata.

 

1994-imi inunngorsimasut missiliorlugu pingajorarterutaat efterskolernernik aallartitsisarput, ukioqatigiiaanilu agguaqatigiissillugu annikinnerpaapput. Ukioqatigiinni pineqartuni allani 40 pct.-it sinnerlugit amerlassusillit efterskolini aallartissimapput. Aammalu 1998-imi inunngorsimasut missiliorlugu 47 pct.-iullutik atuartuni aallartitsisuni agguaqatigiissinnerat anginerpaavoq. Ukioqatigiillu taakkuupput aamma efterskolini atuartuni naammassisimasut agguaqatigiissinneranni 37 pct.-iullutik annertunerpaasut.

 

Amerlassutsit qiviassangaanni ukioqatigiit 1994-iminngaanneersut ukiumi 14-inik ukioqalerfimmi 979-iullutik amerlanerpaapput, ukioqatigiinnilu 1998-iminngaaneersut 849-ullutik ikinnerpaallutik. 1994-imi inunngorsimasut efterskolernernik aallartitsisartut aammalu naammassinnittartut amerlassusaat 319-iullutik aammalu 277-iullutik ikinnerpaapput. Ukioqatigiit 1996-imeersut efterskolernernik aallartitsisartut aammalu naammassinnittartut amerlassusaat 421-ullutik aammalu 331-ullutik amerlanerpaapput.